La laurea pagata!

E stamatina mi chiamasti lestu ca sapivi ca volia mu sacciu prestu facendu finta ca ti interessava pocu u mi cumunichi quasi comu jiocu. 

O Pa, mi lauriu ca l’esami finia non vogghjiu battimani, a superamma e nu ringraziamenti prestu volarria u fazzu certamenti a ttia e da mamma.

O figghjiu, non mi servi a pergamina pemmu ti vogghjiu bbeni ogni matina. U sacciu ca si bravu e mu mmostrasti i piccirigljiu a quandu criscisti.

Rrivau lura, non mi meravigghjiu (Ca si cchjiu’ rrandi u penzu daveru), e no cridia mai, su sinceru u rriva l’ura u dugnu stu cunzigghjiu.

Ti auguru u si sempi nnamuratu i tutti i cosi chi mbattunu ogni journu e nommu u si mai saggeratu pe chigli così chi volarrissi n’tornu.

E u duni bbeni e amuri nzini fini ca i chisti cosi non c’è i sparagnari. A tanti e tanti, luntani e vicini ccussi’ bbundanti... u si pomnu cuntari

fonte larivieraonline.com